灰姑娘

以下是媽媽給女兒講完灰姑娘故事後的對話。
「從此呢，王子和灰姑娘就快樂地生活嘞。」
「咁，灰姑娘會不會同王子生細路?」
「當然會啦，仲會生好多好多個添。」
「咁，王子會不會娶灰姑娘?」
「當然會啦，唔結婚點樣生細路啊!」
「係咪真架? 咁，王子係咪好有錢架?」
「梗係有錢啦，當佢繼承王位，會係全國最有錢架」
「咁........佢會唔會唔想同灰姑娘分家產，所以唔同佢結婚架....」
「蝦~ 你你你，邊個教你講呢D說話架.... 係咪身痕，聽打定喇你...」
「媽咪，係你咁同姨媽講既，你今朝睇完報紙，係咁講架....」
「果個係新聞，唔係童話故事。」
「咁邊個先至係真呀?」
「硬係童話故事啦.......... 我以後唔准你亂睇新聞吓!」
「咁，既係會定唔會?」
「乜野會唔會?」
「王子會唔會同灰姑娘結婚?」
「仲問?!!」
「我想知啊!」
「去做功課!成日諗埋D無聊野!」